【從銀包嘅狀態睇到你嘅儲錢能力】
銀包係我哋隨身攜帶嘅「金庫」，同時都反映咗我哋理財嘅態度。所以想管理好自己嘅財富，第一步就係要管理好自己個銀包！究竟一個儲到錢嘅銀包會係點？
1. 信用卡類越少越好
帶太多信用卡出街嘅話，我哋就難以清楚掌握每張卡嘅消費帳目，更有機會唔小心交漏卡數。
2. 唔放多餘嘅雜物
將收據或coupon亂咁塞，會令銀包雜亂無章，令我哋唔想知道銀包裡面實際有幾多錢，對理財都失去動力㗎！
3. 乾淨、無污跡
保持銀包乾淨唔單止係美觀問題，仲可以幫我哋培養一絲不苟嘅習慣，令我哋喺理財方面更加積極用心！
#滾續達人 #管理好銀包 #先可以管理好財富 #原來儲唔到錢係因為咁 #見字請執銀包
Search